Home
حبيبتي أنا...
كان شفتوها حلوة حلا
دي ما شبه البنات ابدا.. دي بس حوريه بي عدلا
وكتين تمشي بين الناس.. تحلف بس تقول هبلا
من الدهشه ديل فاتحين خشماتم زي السخله
لكن برضو ليهم حق.. عاد ما حبيبتي حلوة حلا
تعالو آناس قربوا جاي.. تعال نوصف لكم شكلا
حبيبتي أنا..
الشعر الطويل منساب.. ومن قدام كمان خصلا
املس وزي سواد الليل.. وفوقو ضفيرة جات نازله
ومنو العطر داك فايح.. دا ماهو داكس ولا أملا
دي ريحة تشفي للعيان..وبعدها ما بيشوفلو بلاء
حبيبتي أنا..
عيونا تحير الغزلان.. وأبدا ما اتخلق متلا
ولو كان شافا بس عنتر.. كان في ساعتو نسي عبله
وما كان ود الملوح داك.. جن دقيقه بي ليلي
حبيبتي أنا..
خدودا طريه نديانه.. مورده تغري بي قبله
شفايفا تلهب الوجدان.. وتسكر صفوة العقلاء
وكم من مره اتمنيت.. أرشف من رحيق عسلا
حبيبتي أنا..
طبعها زين ومو جافيه.. وفيها شي من التقله
صوتا حنين نغيم طنبور.. كلاما رزين وبي مهله
عوووك يا ناس كتلني الشوق وميت برضو في اهله
عندي وصية يالحبان.. واحد منكم يصله
يقولها ياست الحسان.. سرقت من العيون كحلا
ود عبد الله زول عشقان.. اخدتي قليبو في غفله
عليكم الله يا حبان.. تقولو كلامي بالجمله
وكان شفتوها جات بي جاي.. كبروا قولوا اسم الله...
كان شفتوها حلوة حلا
دي ما شبه البنات ابدا.. دي بس حوريه بي عدلا
وكتين تمشي بين الناس.. تحلف بس تقول هبلا
من الدهشه ديل فاتحين خشماتم زي السخله
لكن برضو ليهم حق.. عاد ما حبيبتي حلوة حلا
تعالو آناس قربوا جاي.. تعال نوصف لكم شكلا
حبيبتي أنا..
الشعر الطويل منساب.. ومن قدام كمان خصلا
املس وزي سواد الليل.. وفوقو ضفيرة جات نازله
ومنو العطر داك فايح.. دا ماهو داكس ولا أملا
دي ريحة تشفي للعيان..وبعدها ما بيشوفلو بلاء
حبيبتي أنا..
عيونا تحير الغزلان.. وأبدا ما اتخلق متلا
ولو كان شافا بس عنتر.. كان في ساعتو نسي عبله
وما كان ود الملوح داك.. جن دقيقه بي ليلي
حبيبتي أنا..
خدودا طريه نديانه.. مورده تغري بي قبله
شفايفا تلهب الوجدان.. وتسكر صفوة العقلاء
وكم من مره اتمنيت.. أرشف من رحيق عسلا
حبيبتي أنا..
طبعها زين ومو جافيه.. وفيها شي من التقله
صوتا حنين نغيم طنبور.. كلاما رزين وبي مهله
عوووك يا ناس كتلني الشوق وميت برضو في اهله
عندي وصية يالحبان.. واحد منكم يصله
يقولها ياست الحسان.. سرقت من العيون كحلا
ود عبد الله زول عشقان.. اخدتي قليبو في غفله
عليكم الله يا حبان.. تقولو كلامي بالجمله
وكان شفتوها جات بي جاي.. كبروا قولوا اسم الله...
