Home
السلام عليكم ورحمة الله وبركاته
اود ان اتكلم قليلا عن الشهادة العربية(السعودية) تحديدا...
يعتبر المنهج السعودي للثانوية العامة منهجا كافيا ومؤديا للمطلوب، وتتوفر في المناهج المادة اللازمة للتعلم بكل وضوح ومحاولة تسهيل فهمها على جميع انواع الطلاب....لكن:
التعليم السوداني يرى ان:
1.المنهج ما بطال
2.الإمتحانات ساهلة
ونسبة لهذه الاراء ينتج التالي:
أن 90% من طلاب الشهادة العربية يحرزون في امتحان الشهادة الثانوية نسبة 90 فما فوق
وبسبب هذه النسب العالية والمرتفعة سيتم ملئ الجامعات بطلاب الشهادة العربية فقط واوئل الشهادة السودانية.
فتم اتخاذ ألأتي:
بدا الامر بإنقاص طلاب الشهادة العربية من 5 الى 11 بالمئة من النسبة..
ما عدا الذين يحرزون 99.7 وما فوق يتم قبولهم في الرغبة الاولى المقدمة في اورنيك التقديم للجامعات وتسمى هذه(بالإمتياز).
وتم ايضا اتخاذ اجراء اخر وهو المقاعد،حيث تحدد كل كلية عددا معينا تستوعبه من طلاب الشهادة العربية..مثال(30طالب شهادة عربية لكلية الهندسة الكيميائية)، ويتم الاختيار عن طريق عمل منافسة بين طلاب الشهادة العربية وصاحب الاكبر نسبة يفوز بمقعده حتى نفاد الكمية(30مقعدا).
فماذا فعل طلاب الشهادة العربيـــــة؟
اقبلو على القبول الخاص..لان اي طالب يريد ان يدرس الطب بجامعة الخرطوم مثلا يجب ان يحرز (في السنوات السابقة) 99.7.. لكن غذا احرز 99.6999999 فلن يتم قبوله بل عليه دفع 7000 دولار امريكي(في السنوات الماضية)...
اما الحدث الجديد علينا هو لسنة 2008 هذه السنة المشؤومة على اي طالب نسي ان ياتي ويجلس لإمتحان الشهادة الثانوية في السودان وليس خارجها
تم اقتراح إختبار اضافي لمعادلة الشهادة العربية بالشهادة السودانية سيمى(اختبار تحصيلي) ومن وزارة التعليم العالي بالسودان ووزراة التربية والتعليم بالمملكة العربية السعودية وضع الاختبار وجلس طلاب الشهادة العربية
ماهو الإختبار التحصيلي؟؟؟؟؟؟
يجلس الطالب للاختبار التحصيلي من الساعة ال6 صباحا الى الساعة ال11 صبابحا
ويختبر خمسة مواد علمية
رياضيات --كيمياء--احياء--فيزياء--انجليزي
والاختبار يشمل هذه المواد من الصف الاول ثانوي الى الصف الثالث ثانوي بجميع فصوله....لاحظ خمسة مواد وثلاثة سنوات في 5ساعات
ما مشكلة...عادي برضو حنختبر ومالو......
المهم..اختبر الناس ومستنين النتيجة...قبل النتيجة يوجد التقديم للجامعة.
جميعنا يعلم ان الطالب يقدم للجامعة في السودان دون ان يعرف نسبة الكلية التي يريد.بل يخمن الزيادة والنقصان من سنة الى سنة فهذا شئ عادي جدا،
لكن الشئ الغير عادي وغير مالوف انك تقدم لكلية وانت لا تعرف نسبتك ولا تعرف نسبتها.. وتجد نفسك كما حدث كثيرا(قد تم اسنفاد الرغبات) وتم حرمانك من الفرصة الاولى والاوسع في القبول العام للجامعات السودانية..
هذه السنة 2008 كل طالب شهادة عربية تم وعده بالاتي:
ان شهادته الثانوي تعادل 70% واختباره التحصيلي يعادل 30% وهكذا يتم حساب نسبته النهائية التي = الشهادة السودانية
لكن الذي حصل هو ان ال30% وال70% كانت معادلة لكي تصبح الشهادة العربية = شهادة عربية مرة اخرى...ثم يتم التعامل معها كما في السابق(تنقص تنقص تنقص تنقص)الى ان يتم استنفاد الرغبات ..وهذا هو المتوقع"
تخيل معي اخي انك طالب شهادة عربية
احرزت في الاختبار النهائي للثانوية نسبة 99% وفي الاختبار التحصيلي نقول من مئة احرزت 80 فما هي نسبتك؟؟؟
ستكون نسبتك هي 93.3 نسبة حلوة تدخلك هندسة كهربائية او طب الخرطوم وهما اعلى نسب بين الكليات....
لكن ما رايك اذا نقصوك من ال93.3 النتا اكيد ما جبتها وانت بتلعب في الشارع ومرتاح 7 نسب
تلقا نسبتك بقت كم؟؟؟؟
بقت 86.3 اتخيل دي ما بتدخلك اي اكلية زي الناس
لا هندسة كويسة لا طب كويس انتا دايرو...لكن بتدخلك كليات في الاقاليم...ودا السبب الرئيسي
هو ان البلد الاحنا قايلنها بلدنا وجايين نقرا فيها وكاي طالب او مواطن مغترب ليهو دور كبير في تطور البلد،اتوقعنا نلقى حاجة بالمقابل...مقابل الخدمات والضرايب وكروت السفر والجمارك والدمغات الللي ماليها اخر..والمعاملة السيئة والطوابير اللي ما بتنتهي...دا كلو هين لكن اني ما اقدر اعلم ولدي اللي انا اغتربتا وسبتا البلد عشان هو يعيش زي الناس ويتعلم زي الناس لمن داير حقي من بلدي القاهو بقى ب9000 الف دولار للسنة؟؟؟؟؟
دا ظلم مافيهو اي كلام،لكن الغلط الاول على اي مغترب لانكم سكتو عن حقكم...
دا كل الكنتا داير اقولو عشان المافاهم يفهم الحاصل...
نصيحة لحل المشكلة: حل المشكلة دي واحد من اثنين:
1.كل الطلاب الموجودين في السعودية يجو يمتحنو من السودان ونشوف اخرتها
2.اي طالب امتحن من السعودية يمشي يقرا في اوكسفورد لانها نفس الميزيانية تقريبا زائدا الوعي والامكانيات التي في الجامعة
وربنا يعينكم ويسهل عليكم
وشكرا
